12:21, 04 Желтоқсан 2019 | GMT +6
Хельсинки мен Алматы арасында жаңа әуе рейсі ашылады
ХЕЛЬСИНКИ. ҚазАқпарат - Қазақстан мен Финляндия арасында әуе қатынасын кеңейту бойынша уағдаластыққа қол жеткізілді, деп хабарлайды ҚазАқпарат Азаматтық авиация комитетіне сілтеме жасап.
2019 жылғы 3 желтоқсанда қазақстандық делегация Финляндияның авиация билігімен келіссөз жүргізді.
«Мемлекет басшысының тапсырмасымен енгізілген «ашық аспан» режимі аясында екі ел арасында аптасына 14 рейске дейін, атап айтқанда Хельсинки - Нұр-Сұлтан бағыты бойынша 7 рейске, Хельсинки - Алматы бағыты бойынша 7 рейске дейін ұшу жиіліктер саны артты» делінген хабарламада.
«Finnair» әуе компаниясы 3 жыл бойы Нұр-Сұлтан - Хельсинки бағыты бойынша ұшуда.
Жаңадан қол жеткізілген уағдаластық негізінде Нұр-Сұлтанға орындалатын рейстер санын ұлғайту және Алматыға рейс ашу жоспарланып отыр.