15:08, 17 Тамыз 2023 | GMT +6
Ханчжоудағы ХІХ жазғы Азия ойындарында ту ұстайтын атлеттер анықталды
АСТАНА. ҚазАқпарат - Ханчжоудағы ХІХ жазғы Азия ойындарында ту ұстайтын атлеттер анықталды, деп хабарлайды ҚазАқпарат ҚР МСМ Спорт және дене шынықтыру істері комитеті Спортты дамыту дирекциясының баспасөз қызметіне сілтеме жасап.
Баспасөз қызметінің хабарлауынша, олар – бокстан Ұлттық құрама капитаны Асланбек Шымбергенов пен биіктікке секіруден көшбасшымыз Надежда Дубовицкая!
Айта кетейік, Асланбек 1993 жылы 9 қазанда Жамбыл облысында дүниеге келген. Ол – бокстан әлем және Азия чемпионы, Джакартадағы жазғы Азия ойындарының күміс жүлдегері.
Ал Надежда 1998 жылы 12 наурызда Семей қаласында дүниеге келген. Ол – жабық кешендегі әлем чемпионатының қола жүлдегері, Азия чемпионатының жеңімпазы, құрлық рекордының иесі.