«Хан Шатыр» сауда орталығында карантин тәртібін бұзу фактілері анықталды
Әкімдіктің мәліметіне сенсек, 28 қазанда мобильді топ мүшелері үш сауда ойын-сауық орталығын - «Азия Парк» СОО, «Хан Шатыр» СОО, Mega SilkWay СОО және Мәңгілік Ел даңғылы, 17 үйде орналасқан Korkem Centre сауда үйін тексерді.
«Хан Шатыр» СОО-да бұзушылықтар анықталды. Атап айтқанда, Sterling Silver бижутерия дүкені мен Tudors Ерлер киімі дүкенінде сатушы-кеңесшілер маска тағу режимін бұзды», – деп атап өтті Есіл ауданы әкімдігі.
Басқа СҮ және фитнес-орталықтарда ескертулер болған жоқ. Сонымен қатар, тексерушілер заңсыздықтардың басым бөлігі кешкі уақытта болатынын атап өтті.
Көптеген ойын-сауық орындары жұмыс кестесін бұзады және белгіленген уақыттан кейін ашылады.
«Нұр-Сұлтанда карантин басталғаннан бері бүгінгі күнге дейін 1600-ге жуық рапорт пен 746 хаттама жасалды. 166 миллион әкімшілік айыппұл салынды», - деп түсіндірді Есіл ауданы тауарлар мен көрсетілген қызметтердің сапасы мен қауіпсіздігін бақылау департаментінің басшысы Арман Құрбанов.
Жауапты тұлғалар тағы да сауда орталықтарының қызметкерлерін, ойын-сауық орындарының келушілері мен иелерін санитарлық нормаларды қатаң сақтауға шақырады.
Олардың әрі қарай жұмысты жалғастыратыны немесе тоқтататыны осыған байланысты.