+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Халыққа қызмет ететін мемлекеттік орган қандай болуы керек - сауалнама

2021 жылғы 23 маусым 10:33
Бөлісіңіз:
Халыққа қызмет ететін мемлекеттік орган қандай болуы керек - сауалнама

НҰР-СҰЛТАН. ҚазАқпарат - 23 маусым Қазақстанда мемлекеттік қызметші күні атап өтіледі. Осыған орай «ҚазАқпарат» ХАА қазақстандықтардың мемлекеттік органдарға қатысты талап-тілегі туралы әлеуметтік сауалнама нәтижесін ұсынып отыр.

Аталған сауалнаманы ҚР Президенті жанындағы Қазақстан стратегиялық зерттеулер институты әзірлеген.

Елдегі мемлекеттік қызметшілердің рөлі зор, өйткені олар қоғамдық өмірдің барлық салаларында мемлекеттің жүзеге асырылып жатқан саясатының жүргізушісі.

Әлеуметтік сауалнама нәтижесіне сәйкес, сұқбат алуға қатысқандардың жартысынан астамы (57,5%) ең алдымен мемлекеттік орган жемқорлыққа ұшырамауы тиіс деп санайды.

Сондай-ақ респонденттер көбінесе мемлекеттік органның «шешімдер қабылдау кезінде азаматтардың мұқтаждықтары мен қажеттіліктерін ескеретін» (42,2%) сипатта болуы атап өтті.

Респонденттер мемлекеттік органдардан азаматтардың сауалдарына, шағымдары мен ұсыныстарына жедел ден қоюды күтеді (41,3%).

Сонымен қатар, сауалнамаға қатысушылардың 39,7%-ы халық үшін шын мәнінде ашық мемлекеттік орган нақты қолжетімді мемлекеттік орган болуы тиіс (кедергісіз ортаның болуы, рұқсат беру және тексеру жүйесінің болмауы, байланыс мен мекенжай мәліметтерінің ашық қолжетімділікте болуы).

Респонденттердің 35,1%-ы мемлекеттік органның ашықтығы үшін ағымдағы қызмет, бюджет, атқарылған жұмыс және болашаққа арналған жоспарлар (статистика, деректер, есептер) туралы ақпарат беру маңызды деп санайды.

Респонденттердің үштен бірі халықпен кері байланыс арналарын (жеке кездесулер, жедел желілер, онлайн-мессенджерлер, қосымшалар және т.б.) қамтамасыз ету мемлекеттік органның ашықтығына негіз болатынын атап өтті.

Тұтастай алғанда, әлеуметтанулық зерттеу нәтижелері бойынша мемлекеттік органның негізгі сипаттамалары: мемлекеттік органның қолжетімділігі оның ішінде, байланыс мен мекенжай мәліметтерінің ашық қолжетімділікте болуы; қызметі мен бюджеті туралы ақпарат берудегі ашықтық; халықпен кері байланыстың қолданыстағы арналарының болуы.


Сіздің ойыңызша, халық үшін шынымен ашық мемлекеттік орган қандай болуы керек?


Біздің каналымызға жазылыңыз:

Бөлісіңіз:

Автор:

Қанат Мәметқазыұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT