+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Халықаралық автошеруге қатысушылар Көкшетауда болды

2019 жылғы 13 тамыз 21:35
Бөлісіңіз:
Халықаралық автошеруге қатысушылар Көкшетауда болды

КӨКШЕТАУ. ҚазАқпарат - Тәжік-ауған шекарасындағы ТМД-ның сыртқы шекарасын күшейту мақсатында жеке құрамдағы атқыштар батальонының құрылғанына 26 жыл толуына ұйымдастырылған халықаралық автошеруге қатысушылар Көкшетауда болды, деп хабарлайды ҚазАқпарат тілшісі.

Ұқсас жаңалықтар
Тәуелсіздік күні қарсаңында Нұр-Сұлтан әкімдігінде мемлекеттік наградалар тапсырылды Асқар Мырзахметов тараздық тұрғындардың талап-тілегіне құлақ түрді Түлкібаста аналар саябағы бой көтеруде

Тәуелсіздік алаңында өткен салтанатты шара Ақмола облыстық полиция департаменті бөлімшесінің, Көкшетау техникалық институты және №5510 әскер бөлімнің сарбаздары мен курсанттарының сап түзеуімен басталды.


Шарада Көкшетау қаласы әкімінің орынбасары Алтынай Әміренова, «Тәжік-ауған шекарасындағы әскери қақтығыстарға қатысушылардың» республикалық қоғамдық бірлестігінің төрағасы Мұрат Мұхамеджанов, «Санги-Кабуд»​ тәжік​ ұлттық-мәдени орталығының төрағасы​ Умар Шоназаров, ​ «Ауған соғысы ардагерлері мен мүгедектерінің қауымдастығы» қоғамдық ұйымының​ төрағасы Дуанбай Ыбырай және Тәжікстан аумағында көз жұмған қазақстандық жауынгердің анасы Жанат Бекебаева сөз алып, тарихи дата туралы айтып берді.


«Тәжік-ауған шекарасында жанқиярлықпен ерлік көрсеткен батырлардың құрметіне тұңғыш рет халықаралық автошеру ұйымдастырып отырмыз. Шараның мақсаты – өскелең өрендерге батырлардың ерлігін насихаттау. Біздің жауынгерлер ерлікпен шайқасты. Автошеруіміз Көкшетау қаласынан бастау алды. Алда Нұр-Сұлтанға және одан әрі аттанамыз», - дейді Мұрат Мұхамеджанов.



Ал, «Ауған соғысы ардагерлері мен мүгедектерінің қауымдастығы» қоғамдық ұйымының​ төрағасы Дуанбай Ыбырай тәжік-ауған шекарасында әскери​ борышын өтеген жауынгерлердің әрбір ізгі істері ұрпаққа үлгі екенін атап өтті. Олардан өнеге алып, болашақта елін, жерін, Отанын қорғайтын жастарды тәрбиелеу​ мәселесіне назар аударды.

Бұдан әрі Көкшетауға аялдаған халықаралық автошеруге қатысушылар Нұр-Сұлтан қаласына аттанды.

Айта кету керек, халықаралық келісімдерге сәйкес, осыдан тура 26 жыл бұрын қазақстандық жауынгерлер тәжік-ауған шекарасына әскери міндетін өтеуге барды. Тәжік-ауған шекарасындағы Пшихавр шатқалында болған ұрыс әлі ұмытыла қойған жоқ. Сол 1995 жылы болған қанды оқиғада 17 қазақстандық жауынгер шейіт болып, 30-дан астамы ауыр жараланған еді.


Біздің каналымызға жазылыңыз:

Басты сөздер: Ақмола облысы, Қоғам,
Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT