Қолданушы баптаулары
Қолданушы баптаулары
+7 (701) 759 90 19 Лента
USD 386.34 EUR 427.25
RUB 5.88 CNY 54.57
Jańalyqtar

Халықаралық Әскери ойындарда қазақстандық сарбаздар үш "алтын" алды

2019 жылғы 14 тамыз 20:32 152
Бөлісіңіз:
Халықаралық Әскери ойындарда қазақстандық сарбаздар үш

НҰР-СҰЛТАН. ҚазАқпарат - Қазақстан құрамасы Халықаралық Армия ойындары шеңберінде өткізілген «Артиллериялық атыс шеберлері», «Сұңқар салу» және «Сенімді қабылдау» сайыстарында жеңіс тұғырынан көрініп, алтынды қанжығаға байлады. Бұл туралыҚР Қорғаныс министрлігінің баспасөз қызметі хабарлайды.

Ұқсас жаңалықтар
Қазақстанда Армия халықаралық ойындары аяқталды Қазақстандық әскери қызметшілер әлемдегі ең мықтылардың бірі - Бас қолбасшы Елордада әскери қызметшілерге арналған жекпе-жек залы ашылды

Қазақ сарбаздары «Артиллериялық атыс шеберлері» байқауында алғашқы алтынына қол жеткізді. Жеке жарыс, түнгі спринт және эстафета кезеңдерінен тұратын сайыс күндізгі және түнгі уақытта өтті. Жарысқа қатысушылар белгілі бір бағытты жүріп өтіп, пулемет, автомат және граната атқыштан, сондай-ақ миноатқыштан оқ атты. Түнгі уақытта нысананы көздеуге түнгі көру құралдары пайдаланылды. Ақтық эстафетада еліміздің мина ату бойынша көрсеткіштері жоғары бағаланып, Қазақстан құрамасына жеңіс әкелді.


Жеңіске жету туралы «Оңтүстік» өңірлік қолбасшылығы әскерлері қолбасшысының оқ ату бойынша орынбасары, команда жаттықтырушысы, полковник Дәурен Есқожин: «Жеңіске бірнеше ай бойы тынбай жүргізген дайындық, команданың үйлесімді жұмысы, мықты жауынгерлік рух, табандылық пен айқын мақсат жетеледі. Сондықтан бұл қазақстандық артиллеристердің еңбегінің жеңісі»,- дейді.

Үздік нәтиже көрсеткен келесі байқаудың бірі – «Сенімді қабылдау». Жарыста әскери байланыс қызметкерлері радиограмма арқылы байланысты ұстап, Морзе әліппесімен хабарламалар жіберіп, түнде жарық беру белгілерін қалта шамы арқылы көрсетті. Ал соңғы мәреде сайыскерлер кез келген тәсілмен байланысты орнатып, қажетті дабылды жіберуі тиіс. Бұл орайда біздің құрам бірінші кезеңде-ақ бірден басымдық танытып, сайыстың барлық кезеңдерінде үздік көрінді.


Елімізге тағы бір жеңісті сыйлаған – «Сұңқар салу» байқауы. Бұл үш кезеңнен тұратын сайыс. Бірінші кезең – ұшқышсыз ұшу апараттарының дайындығы және күндізгі әуе барлауы, екінші кезең – биіктеп ұшу, әуе барлауы және түнде артиллерия оқтарын қалыпқа келтіру деп аталады. Мұндағы шешуші кезеңде әр елден үш ұшқышсыз ұшу құрылғылары алма-кезек іздеу, анықтау және нысандардың координаттарын белгілеу тапсырмаларын орындады.


Айта кетерлігі, биыл елімізде өткен Халықаралық Армия ойындарына Ресей, Қытай, Беларусь, Өзбекстан, Қырғызстан, Әзербайжан, Тәжікстан, Армения, Иран, Сирия, сонымен қатар Венесуэла және Зимбабве мемлекеттері Қарулы Күштерінің әскери шеберлері қатысты.

Аталған үш байқаудың жеңімпаздары мен сайыс жүлдегерлерін марапаттау 15 тамыз күні «Отар» әскери полигонында АрХО-2019 салтанатты жабылу рәсімі аясында өтеді.












Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT