+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Халық санағы өзекті мәселелерді шешуге көмектеседі – Алматы сайлау комиссиясы

2021 жылғы 22 қыркүйек 21:00
Бөлісіңіз:
Халық санағы өзекті мәселелерді шешуге көмектеседі – Алматы сайлау комиссиясы

АЛМАТЫ. ҚазАқпарат - Қазақстандағы 2021 жылғы ұлттық халық санақ нәтижелері ел тарихындағы маңызды шаралардың бірі болмақ. Мұндай пікірді Алматы қаласы аумақтық сайлау комиссиясы төрағасының орынбасары Айгүл Қалықова білдірді, деп хабарлайды ҚазАқпарат тілшісі.

Ұқсас жаңалықтар
Ұлттық санақ: Астанада 1,5 мың интервьюер үйлерді аралауда Санақта интервьюерлерді үйге жібермейтін болса, сенімді деректер алынбауы мүмкін- сарапшы Павлодар облысында ұлттық санақ жүргізетін адам жетіспейді

Оның сөзінше, санақ қорытындысы бойынша елде халықтың пандемиядан қалай өтіп жатқанын, он жылдан кейін өмір салты қалай өзгергенін білуге болады.

Айгүл Қалықова халық санағы ең алдымен ел тұрғындарының жасы, жынысы, ұлты, білімі бойынша нақты сандық және сапалық құрамын білу үшін қажет екенін жеткізді.

«Біз өмір сүру жағдайын, жұмыспен қамту деңгейі мен құрылымын біле аламыз, бірақ бұған жету үшін әрбір тұрғынға жетуіміз керек және барлық адамдар санаққа қатысуы керек. Санақтың ұраны: «Қазақстанда әр адам маңызды!», - деді ол.

Оның айтуынша, санақ нәтижелері көптеген мәселелерді шешуге және мемлекетке жоспар құруға көмектеседі. Сонымен қатар, санақ Алматы үшін мегаполис ретінде өте маңызды. Жасыратыны жоқ, қалада тұратындардың көпшілігінің ресми тіркеуі жоқ.

«Бұл жағдай дәстүрлі түрде еңбек мигранттары мен олардың отбасыларын қызықтыратын орын болып табылатын барлық ірі қалаларда дамып келеді. Білім беру, денсаулық сақтау және әлеуметтік салаға үлкен жүктеме бар. Мектеп, балабақша және басқа да әлеуметтік нысандар жеткіліксіз. Ал халықтың қажеттілігі туралы нақты деректер болмаса, қалай есептеуге болады? Біз барлығымыз балаларымыз бен немерелеріміздің заманауи балабақшаға, екі-үш емес, бір ауысымда білім алатын мектепке бару мүмкіндігін алғымыз келеді. Біз бәріміз сапалы медициналық қызмет алғымыз келеді. Мемлекет мұны тұрғындарды есепке алмай, белгілі бір елдімекенде тұратын адамдардың нақты санын білмей, өз халқын қамтамасыз ете алмайды», - деді Айгүл Қалықова.

Санақ деректері мәліметтер базасында көрсетілмеген, құжаттары жоқ азаматтарды санауға көмектеседі. Бұлар мемлекеттен көмек алмайды.

Сөзін қорытындылаған Алматының аумақтық сайлау комиссиясы төрағасының орынбасары қала тұрғындарын санақ кезінде белсенділік танытуға және жеке мәліметтерге алаңдамауға шақырды, өйткені заң олардың сақталуына тиісті кепілдік береді.

«Біз барлығымыз халық санағы тез әрі сапалы өтсе, онда өзекті мәселелердің шұғыл шешілетінін түсінуіміз керек. Өйткені, кез келген мәселені шешудің алғашқы қадамы – оның нақты тұжырымы. Халық санағы өзекті мәселелерді шешуге көмектеседі», - деді спикер.


Біздің каналымызға жазылыңыз:

Бөлісіңіз:

Автор:

Алма Мұқанова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT