Халқыма зор ризашылығымды білдіріп, басымды иемін - Нұрсұлтан Назарбаев

АСТАНА. ҚазАқпарат - Мемлекет басшысы Нұрсұлтан Назарбаев республикалық телеарналар арқылы Қазақстан халқына арналған мәлімдемесінде Қазақстан халқына алғыс айтты, деп хабарлайды ҚазАқпарат тілшісі.

«Осы жылдары өткен барлық сайлауларда сіздер маған сенім артып, бастамаларыма қолдау білдірдіңіздер. Маған ұлы халқыма, туған жеріме қызмет ету бақыты бұйырды. Баршаңызға, барлық халқыма зор ризашылығымды білдіріп, басымды иемін. Осындай қолдауды, сенімді ақтау үшін мен бар күш-жігерімді, денсаулығымды, уақытымды аямай адал қызмет еттім», - деді Н. Назарбаев өз сөзінде.