Хабиб Нұрмагомедов қарсыласын екінші раундта жеңді

НҰР-СҰЛТАН. ҚазАқпарат – Атақты ресейлік спортшы Хабиб Нұрмагомедов қарсыласын тұншықтыру әдісімен жеңді, деп хабарлайды ҚазАқпарат тілшісі.

Бұл жолы Хабиб 2018 жылы жеңіп алған чемпиондық белбеуін үшінші мәрте қорғады. Оған америкалық Джастин Гэтжи қарсылас атанды.

Алғашқы раундта қос спортшы да белсенді қимылдап, бірнеше дәл соққы жасай білді. Екінші раундта Хабиб Нұрмагомедов қарсыласын тұншықтыру әдісіне салып, жеңіске жетті.

Осылайша, жеңіл салмақтағы UFC чемпионы Хабиб Нұрмагомедов 29-шы жекпе-жегінде озық шықты.