+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Хабардан» сырлы сұхбат пен сазды әуенге толы жаңа жоба шығады

2019 жылғы 7 қазан 11:00
Бөлісіңіз:
«Хабардан» сырлы сұхбат пен сазды әуенге толы жаңа жоба шығады

НҰР-СҰЛТАН. ҚазАқпарат – «Хабар» телеарнасынан жуырда әуезді әнге, әдемі әңгімеге, сырлы сұхбатқа негізделген жаңа жоба көрерменге жол тартпақ, деп хабарлайды ҚазАқпарат.

Бағдарлама - қоғамға қызықты тақырыптарды қамтып, көзі қырағы көрерменді сазбен сусындатып, еңбегі еленуге лайық деп танылған жандармен сырлы сұхбат жүргізеді. «Төрлетіңіз» деп аталатын ақпараттық-сазды, танымдық, ойын-сауық телетуындысын - «Хабар» телеарнасынан 7 қазаннан бастап, яғни бүгіннен бастап, сағат 16.00-де тамашалай аласыздар.

Жас ерекшелігін талғамайтын, көрермен көңіліне күндізгі күй сыйлайтын «Төрлетіңіз» ойын-сауық, ақпаратты-сазды, көңілашар жобасы жуырда көрермен назарына жол тартады. Жобаның әр шығарылымы – елімізге белгілі, ең беделді тұлғалардың өміріндегі, өнеріндегі жаңалықтармен көрерменді таныстырып, елді елең еткізетін оқиғаларды талқылап, қоғамдағы мәселелерді қаузайды.


«Төрлетіңіздің» таңдаулы мейманы - өзінің жеке өмірі жайлы, тәжірибесі, өнеріндегі күйініші мен сүйініші жайлы сыр тарқатады.


Өнеріндегі жаңалығымен бөлісіп, жаңа туындысының телекөрермендер алдында тұсауын кеседі.


Төрлетіңіздің мейманы - бүгінде үлкен талқылауларға ие болып жүрген жандардың қатарындағы айтыс ақындар, әнші, актер, сазгер, күйші, жазушы, режиссер, қоғам қайраткерлері, ғалымдар мен академиктер, билік мінберінің өкілдері, журналистер мен меценаттар, спортшылар, зергерлер, қолөнершілер, дизайнер, модельер, кәсіпкер, суретші, каскадер, блогер, цирк қызметкерлері, интернет арқылы танылғандар бола алады.


Бағдарлама жүргізушілері – келген қонаққа өткір сұрақтарын, күтпеген жерден төтесінен қою арқылы – сауалдарына шынайы жауап алады. «Төрлетіңізді» тізгіндеушілер - Рамазан Амантай, Мақпал Қасенова, Қуаныш Мамытқалиев, Дариға Бадықова.


Көрігі қызған көңілашар «Төрлетіңіз» жобасын – «Хабар» телеарнасынан, 7 қазаннан бастап,яғни бүгіннен бастап, сағат 16.00-де тамашалай аласыздар.

Біздің каналымызға жазылыңыз:

Басты сөздер: БАҚ, Қоғам,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT