USD 436.29 EUR 492.83
RUB 5.92 CNY 68.48
Jańalyqtar

Гүлшара Әбдіқалықова әлеуметтік сала қызметкерлерімен кездесті

2021 жылғы 28 қазан 22:03
Бөлісіңіз:
Гүлшара Әбдіқалықова әлеуметтік сала қызметкерлерімен кездесті

ҚЫЗЫЛОРДА. ҚазАқпарат - Қызылорда облысының әкімі Гүлшара Әбдіқалықова бүгін әлеуметтік сала қызметкерлері және ардагерлермен кездесті, деп хабарлайды ҚазАқпарат тілшісі.

Ұқсас жаңалықтар
Алматының Іскерлік кеңесі әлеуметтік жобаларға 7 сыйлық тағайындады

Бүгін облыс әкімі Гүлшара Әбдіқалықова әлеуметтік сала қызметкерлері мерекесі аясында ардагерлер және сала мамандарымен жүздесті. Жүздесу барысында әлеуметтік қорғау жүйесіндегі қол жеткізген табыстар кеңінен талқыланды.

Аймақ басшысы сала мамандары ел Тәуелсіздігінің 30 жылдығы және кәсіби мерекесімен құттықтады. Егемендік кезеңнен бері азаматтарды әлеуметтік қорғаудың алғышарттары жасалды.

«Сонау тоқсаныншы жылдары зейнетақы төлеміне өзгерістер енгізілді. Бүгінгі дейін әлеуметтік көмек көрсету реформаларының әртүрлі кезеңі қалыптасты. Соның ішінде қазіргі пандемия кезінде де әлеуметтік қорғау жүйесі жұмысы тоқтатқан жоқ. Сын сәтте мамандар тәулік бойы кезекшілікпен жұмыс атқарды. Халыққа барынша қолдау көрсетті. Азаматтарды қабылдау мәселесі де бір мезетке толастаған жоқ. Алғашқы кезекте мүгедектігі бар адамдардың, жеке көмекшілердің, атаулы әлеуметтік көмек алушылардың вакцина алуы үшін жан-жақты түсіндірме жұмыстарын жүргізді. Осылайша індеттің алдын алуға үлес қосуда. Бүгінгі күні әлеуметтік салада 2 мыңнан астам адам еңбек етуде. Әлеуметтік қызметкерлер адамдардың өмір сүру сапасын арттыруға тікелей әсерін тигізіп отыр. Әрбір жасаған еңбек - халықты әлеуметтік қорғау жүйесінің дамуына, халықаралық стандарттарға сай қызмет көрсетуге бағытталған», - деді облыс әкімі.

Кездесу барысында әлеуметтік сала ардагерлері Қорғанбек Қайруллаев, Геннадий Максин, Күлзия Дүзелбаева әріптестерін құттықтады. Өздерінің еңбек жолдары туралы естеліктерімен бөлісті. Сондай-ақ, бірқатар сала қызметкері облыс әкімінің Алғыс хатымен марапатталды. Еске салсақ, Қызылордада жергілікті маңызы бар автокөлік жолдарының жағдайы жақсарды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT