Гүлсая Ержан финалға берілген екінші жолдамаға ие болды – бокстан Азия чемпионаты

None
АСТАНА. ҚазАқпарат – Таиланд астанасы Бангкок қаласында өтіп жатқан бокстан 22 жасқа дейінгі жастар арасындағы Азия чемпионатында қазақстандық Гүлсая Ержан финалға шықты, деп хабарлайды ҚазАқпарат тілшісі.

Гүлсая Ержан жартылай финалда непалдық Триша Джебегумен жекпе-жекке шықты. Жекпе-жекте қазақстандық боксшының басымдығы байқалып тұрды. Нәтижесінде төрешілер шешімімен ол финалға жолдама алды.

Жартылай финалға барлығы тоғыз қазақстандық боксшы шыққан еді.

Олардың арасынан бұған дейін Жасмин Қизатова (70 келі) вьетнамдық Труонг Мин Тху Кюнхты жеңіп, финалға жолдама алды.

Ал, бүгін жартылай финалда Мөлдір Тойкова (50 келі), Әнел Сақыш (54 келі), Виктория Графеева (57 келі), Шахназ Исаева (60 келі), Назерке Серік (63 келі), Ақнар Ищанова (66 келі), Дана Дидай (75 келі) қарсыластарына есе жіберіп қойды. Нәтижесінде құрлықтық додада қола жүлдегер атанды.

Еске салсақ, бұдан бұрын Азия чемпионатында қазақстандық боксшылар ширек финал ойындарын өткізді.


Соңғы жаңалықтар