+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Грузия полициясымен тығыз байланыстамыз – Ішкі істер министрі Әсел Айтпаеваның өлімі туралы

2021 жылғы 11 маусым 15:25
Бөлісіңіз:
Грузия полициясымен тығыз байланыстамыз – Ішкі істер министрі Әсел Айтпаеваның өлімі туралы

НҰР-СҰЛТАН. ҚазАқпарат – ҚР Ішкі істер министрі Ерлан Тұрғымбаев 26 жастағы Әсел Айтпаеваның Грузияда қаза болуы жөнінде пікір білдірді, деп хабарлайды ҚазАқпарат.

Ұқсас жаңалықтар
СҚО-да ауыл тұрғыны интернет-алаяқтардың құрығына түсіп, 2 млн теңгесінен айырылды Қылмыстық-атқару жүйесі медициналық қамтамасыз ету қызметі ДСМ-ға беріледі Қазақстанда тұрмыстық зорлық-зомбылық көргендерді татуластыру алынып тасталуы мүмкін

«Осы қылмыстық іс бойынша бізде бірқатар тергеу жұмыстары жүргізіліп, адам саудасы туралы іс қозғалды. Қазір негізгі айыпталушы ұсталды, қамауға алынды, тергеуде отыр, бірнеше тергеу амалдары жүргізілуде», - деп жауап берді Е. Тұрғымбаев Орталық коммуникациялар қызметінде тілші сұрағына.

Сонымен бірге, министр Грузияда өз-өзіне қол жұмсауға итермелеу фактісі бойынша қатар тергеу жүріп жатқанын жеткізді.

«Біз Грузия полициясымен тығыз байланыста жұмыс істеудеміз. Мен мұнда тергеу материалдары тергеу әрекеттері аяқталғанша жария етілмейтінін айтқым келеді. Тергеу әріптестерімізбен тығыз байланыста жалғасуда», - деді Ерлан Тұрғымбаев.

Еске сала кетейік, 26 жастағы Әсел Айтпаеваның денесі 5 мамыр күні Тбилиси қаласындағы бір үйдің терезесінің астынан табылған еді. Ол 9-қабаттан құлап мерт болған.

Кейіннен Грузия прокуратурасы қазақстандық қызды зорлау және өз-өзіне қол жұмсауға итермелеу ісі бойынша айыптау шығарды.

16 мамыр күні Нұр-Сұлтан қаласының полиция департаментінен мәлім еткендей, бойжеткеннің ата-анасының арызы бойынша оның туысы М.Мейірбеков ұсталып, оған қатысты Қылмыстық кодекстің 128-бабымен (адам саудасы) сотқа дейінгі тергеу басталды.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT