Грузия әуе компаниясы Астана-Батуми рейсін қайта іске қосады

АСТАНА. ҚазАқпарат - Қазақстан азаматтары мен туристерге қолайлы болуы үшін 2018 жылдың жаз айларында, 22 маусым мен 1 қыркүйек аралығында Georgian Airways грузин әуе компаниясы Батуми-Астана-Батуми бағыты бойынша тікелей әуе қатынасын қайта жандандырмақ, деп хабарлайды ҚазАқпарат Азаматтық авиация комитетіне сілтеме жасап. 

Рейстерді жұма сайын аптасына бір рет Embraer 190-100 әуе кемесі жүзеге асырады. Сонымен қатар, осы жылы 2 шілдеде Тбилиси-Алматы-Тбилиси бағытымен бір рейс ұшатын болады. 

Қазіргі уақытта Қазақстан мен Грузия арасындағы тұрақты рейстерді отандық әуе компаниялары орындап жүр. Мәселен, «Эйр Астана» әуе компаниясы Алматы-Тбилиси бағытымен аптасына 5 рет, Астана-Тбилиси бағытымен аптасына 3 рет ұшса, «SCAT» әуе компаниясы Ақтау-Тбилиси бағытымен аптасына 4 рет қатынайды.