Қолданушы баптаулары
Қолданушы баптаулары
+7 (701) 759 90 19 Лента
USD 378.51 EUR 428.47
RUB 5.80 CNY 56.38
Jańalyqtar

Грекияда өткен кинофестивальде қазақстандық фильм жүлде алды

2018 жылғы 6 желтоқсан 16:55 568
Бөлісіңіз:
Грекияда өткен кинофестивальде қазақстандық фильм жүлде алды

АСТАНА. ҚазАқпарат - Отандық режиссер Әділхан Ержановтың «Дүниеге деген бейжайлылық» атты туындысы Афина қаласында өткен «31-ші Халықаралық Еуропалық киноларының панорамасы» кинофестивалінде жүлде алды, деп хабарлайды Қазақстанның Грекиядағы Елшілігінің баспасөз қызметі.

Ұқсас жаңалықтар
Алматы халық музыкалық аспаптар музейіне Шәкәрімнің домбырасы берілді Түркістанда «Көрісу күні» жоғары деңгейде аталып өтті

Грекия астанасында 22 қараша мен 5 желтоқсан аралығында өткен іс-шарада елуден астам көркем және қысқаметражды фильмдер көрсетілді.

А.Ержановтың драмасы аталған конкурстың финалына өтіп, қазылар алқасы 11 кинотуындының (2 грекиялық және 9 шетелдік) ішінен үздігін таңдады.                      

Мәдени додаға өз киноленталарын жолдаған елдер қатарында Грекия, Франция, Қазақстан, Польша, Нидерланды, Ресей, Германия мен Хорватия болды.

«Дүниеге деген бейжайлылық» фильмі екі жас кейіпкер Қуандық пен Салтанаттың ауылдан үлкен шаһарға келіп, қоғамның заманауи сын-тегеуріндеріне қарсы төтеп беру қадамдарын баяндайды.

Жүлдегерлердің есімдері 5 желтоқсанда анықталды. «Үздік фильм» номинациясын Әділхан Ержановтың туындысы мен ресейлік режиссер Елизавета Стишованың «Сүлеймен тауы» фильмі иемденді.

Фестивальдің жабылу салтанаты «Канн кинофестивалінің» жеңімпазы - басты рөлге қазақстандық актриса Самал Еслямова түскен                        Сергей Дворцевойдың «Айка» туындысының көрсетілімімен аяқталды.

 

 

Біздің каналымызға жазылыңыз:

Басты сөздер: Мәдениет, Өнер,
Бөлісіңіз:

Автор:

Самал Қабышева

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT