Google Испаниядағы жаңалықтар қызметін жапты

АСТАНА. ҚазАқпарат - Google компаниясы Испаниядағы Google News жаңалықтар агрегаторын жабу туралы шешім қабылдады, деп хабарлады ВВС.

Оған компаниядан Испания БАҚ-тарының материалын орналастырғаны үшін төлем алуды талап ететін жаңа заң қабылдануы себеп болған.

Заң қаңтар айында күшіне енеді.

Сервис 16 желтоқсанда жабылады. Компания сондай-ақ, Google News-тің халықаралық нұсқаларынан Испания ақпарат құралдарының барлық жаңалықтарын өшіреді.