Головкинді 5 мамыр күні кездесу өткізуге мәжбүрлеуі мүмкін

АСТАНА. ҚазАқпарат - The Ring тілшісі Майк Коппинджер Геннадий Головкиннің (37-0-1, 33 КО) 5 мамыр күні Лас-Вегаста украиналық Сергей Деревянченкомен (12-0, 10 КО) өткізетін жекпе-жегіне қатысты пікір білдірді, деп хабарлайды Sports.kz.

«Меніңше, барлығы IBF ұйымының міндетті қарсылас -Сергейдің мәртебесіне қатысты қандай шешім қабылдайтынына байланысты. Егер олар осы жолғы кездесуді өткізуге мәжбүрлесе, GGG онымен жұдырықтасады. Егер олай болмаса, бәлкім бұл «Спайк» болуы мүмкін»,-деп жазады автор Твиттерде.

Айта кетейік, ирландиялық боксшы Гэри «Спайк» О'Салливан (27-2, 19 КО) Головкинмен жұдырықтасқысы келетінін әлеуметік желілер арқылы ұдайы айтып отырады. Әуелде, 5 мамыр күні Головкин Сауль Альвареспен (49-1-2, 34 КО) рематч өткізуі қажет болған. Алайда ол өзгертілді. Енді Геннадийдің өзге қарсыласпен кездесуі T-Mobile Arena-да емес MGM Grand-та өтеді.