Головкин P4P рейтингінде төмен сырғыды

НҰР-СҰЛТАН. ҚазАқпарат - WorldBoxingNews.net сайты салмақ санатынан тыс әлемнің үздік боксшылары рейтингінің жаңа нұсқасын жариялады, деп хабарлайды ҚазАқпарат Sports.kz-ке сілтеме жасап.

Бірінші орында бұрынғыша мексикалық Сауль Альварес тұр, екінші сатыда — украиналық Василий Ломаченко болса, үшінші орынға өткен демалыс күні америкалық Кит Турманды жеңген Мэнни Пакьяо көтерілді.

Орта салмақтағы қазақстандық бұрынғы әлем чемпионы Геннадий Головкин бір саты төмен сырғып, жетінші орынға тұрақтады.

WorldBoxingNews.net тұжырымы бойынша ТОП-10:

1. Сауль «Канело» Альварес

2. Василий Ломаченко

3. Мэнни Пакьяо

4. Наоя Иноуэ

5. Теренс Кроуфорд

6. Александр Усик

7. Геннадий Головкин

8. Эррол Спенс

9. Тайсон Фьюри

10. Майки Гарсия