Головкин мен Канело жекпе-жегінің трансляциясын қайдан көруге болады

НҰР-СҰЛТАН. ҚазАқпарат – DAZN стримингтік платформасы 17 қыркүйекте өтетін Геннадий Головкин мен Сауль «Канело» Альварестің үшінші жекпе-жегі өтетін бокс кешінің ақылы трансляциясының құны туралы ақпаратты жариялады. Бұл туралы ҚазАқпарат Sports.kz сайтына сілтеме жасап хабарлайды.

Шоудың негізгі оқиғасы DAZN тұрақты жүйесінде емес, PPV жүйесінде көрсетіледі. Осылайша, АҚШ-та хабар тарату құны жаңа пайдаланушылар үшін $84,99 және белсенді жазылушылар үшін $64,99 болады. Британдық көрермендер трилогияның финалын көру үшін £17,98 төлеуі тиіс.

Бұл ретте андеркартты Қазақстан, Мексика және Латын Америкасынан басқа басқа аумақтардағы тұрақты абоненттер де пайдалана алады.

Фото: sportingnews.com