Головкин мен Канело арасындағы үшінші жекпе-жектің өтетін орны ресми жарияланды
2022 жылғы 22 маусым 09:28

Головкин мен Канело арасындағы үшінші жекпе-жектің өтетін орны ресми жарияланды

НҰР-СҰЛТАН. ҚазАқпарат – Matchroom Boxing промоутерлік компаниясының басшысы Эдди Хирн қазақстандық боксшы Геннадий Головкин мен мексикалық Сауль «Канело» Альварес арасындағы үшінші жекпе-жектің өтетін орнын ресми түрде жариялады, деп хабарлайды ҚазАқпарат Sports.kz сайтына сілтеме жасап.

Жекпе-жек Лас-Вегастағы T-Mobile аренасында өтеді. Олардың бұған дейінгі соңғы екі кездесуі де дәл сол жерде өтті, оның біріншісі тең аяқталса, екіншісінде төрешілер жеңісті мексикалық боксшыға берді, бірақ кейін көптеген сарапшылар бұл нәтижені әділетсіз деп санаған. Жекпе-жек супер орта салмақта өтеді.

«Канело» бұл категорияда абсолютті әлем чемпионы болып табылады.


Серіктестер жаңалықтары

Jańalyqtar

Үрдіс

MURAǴAT