13:31, 30 Маусым 2018 | GMT +6
Головкин мен Альварестің қарымта кездесуі: билет құны белгілі болды
АСТАНА. ҚазАқпарат - WBC, WBA (Super) және IBO нұсқалары бойынша Әлем чемпионы Геннадий Головкин (38-0-1, 34 КО) мен мексикалық Сауль «Канело» Альварес (49-1-2, 34 КО) арасындағы жекпе-жекке билеттер келесі аптада сатылымға шығарылады, деп хабарлайды «SPORTINFORM» САА.
Ең арзан билеттің құны - 300 доллар, ең қымбаты - 6000 доллар тұратын болады. Орташа бағасы - 800 доллар.
Белгілі болғандай, жекпе-жек Лас-Вегас қаласында жергілікті уақыт бойынша 15 қыркүйек күні сағат 17:00-де өтеді. Астана уақытымен 16 қыркүйекте таңғы 6:00-де басталады.
Головкин мен Альварес T-Mobile аренасында кездеседі. Қазақстандық боксшыға реванштан шамамен 40 миллион доллардан астам қаражат түсуі мүмкін. Де Ла Хойяның айтуынша, Головкинмен бір мәмілеге келу үшін жетпей тұрған соманы қалтасынан бөлуіне тура келген.