Головкин Қазақстанда әлемдік деңгейдегі жекпе-жек өткізгісі келеді

АСТАНА. ҚазАқпарат - Бірқатар тұжырым бойынша орта салмақтағы әлем чемпионы Геннадий Головкин туған жері Қазақстанда барлық белбеулерін біріктіретін жекпе-жек өткізуі мүмкін екендігін айтты, деп хабарлайды Sports.kz .

«Мен Қазақстанға үлкен айқасты әкелгім келеді, мұны бәрі қалайды. Бұл менің елім үшін, менің мансабым үшін өте маңызды. Маған біріктіруші жекпе-жек керек, үлкен боксшылармен үлкен айқастар жасау керек. Алдымда «Канеломен» жекпе-жек тұр. Мен Қазақстанға соңғы біріктіру айқасын әкелуім мүмкін», - деген Геннадийдің сөзін келтіреді  Boxingscene.com .