15:23, 06 Қыркүйек 2018 | GMT +6
Головкин «Канеломен» айқастың Қазақстан үшін қаншалықты маңызды екенін айтты
АСТАНА. ҚазАқпарат - Қазақстандық боксшы Геннадий Головкин мексикалық Сауль Альвареспен рематчтың өз отаны үшін қаншалықты маңызды екеніне баға берді, деп хабарлайды Sports.kz.
«Бұл айқас Қазақстан және қазақстандық жанкүйерлер үшін өте-өте маңызды. Себебі, қазір біз - чемпиондармыз. Біз дұрыс жақтамыз. Біз өз намысымыз бен титулымызды қорғайтын боламыз. Бұл мен үшін маңызды жекпе-жек. Мен мұның мирас екенін түсінемін», - деді Генннадий Головкин.
Головкин мен «Канелоның» бірінші айқасы 2017 жылы 16 қыркүйекте Лас-Вегаста өтіп, даулы тең нәтижемен аяқталды. Рематч 15 қыркүйекте сол жерде өтеді.