Қолданушы баптаулары
Қолданушы баптаулары
+7 (701) 759 90 19 Лента
USD 369.36 EUR 431.30
RUB 5.45 CNY 53.80
Жаңалықтар

Головкин-«Канело» айқасы неше раундқа созылуы мүмкін - Бақтияр Артаев болжамы

2018 жылғы 15 қыркүйек 17:59 1240
Бөлісіңіз:
Головкин-«Канело» айқасы неше раундқа созылуы мүмкін - Бақтияр Артаев болжамы

АСТАНА. ҚазАқпарат - Қазақстандық боксшы, 2004 жылғы Олимпиада чемпионы Бақтияр Артаев Геннадий Головкин мен Сауль Альварес жекпе-жегі туралы өз болжамын білдірді, деп хабарлайды ҚазАқпарат тілшісі.

Ұқсас жаңалықтар
Қазақстан халқының Генаға деген махаббаты еш суымайды - Мұхамедиұлы Мен боксшымын, мен спортшымын, жұмысымды жалғастыра беремін - Головкин

Боксшының айтуынша, екінші кездесуде Геннадийге үлкен мүмкіндік беріліп тұр.

«Өздеріңіз көргендей, көз арбасудағы «Канелоның» сабырсыздық танытуы, дәрі-дәрмек қолданбай, бұлшық еттерінің кішіреюі, қобалжып төзімнен айырылуы - мұның барлығы Геннадий үшін үлкен мүмкіндік. Оның үстіне Геннадий салмағын ретке келтіріп, бұрынғыдай ауыр соққымен алға ұмтылуға емес, жылдамдығын арттыруға күш салды. Сондықтан, Геннадийдің қарсыласына жылдам және нық, ауыр соққы беруін күтеміз. Осы жолы Геннадий Қазақстанға айқын басымдықпен жеңіс сыйлауы керек», - деді Бақтияр Артаев ҚазАқпарат тілшісіне берген сұхбатта.

Сонымен бірге, Артаев бірінші жекпе-жекте Геннадийге жылдамдық пен қулық жетіспегенін еске салды.

«Алдыңғы жекпе-жектегі GGG қателігі - қарсыласын құлатуға тырысуы еді. Баяу қозғалды, бар назарын ауыр соққыға бөліп, үлгермей жатты. Кішкене қулыққа салып, әуесқой бокстағыдай жылдамдыққа, тез соққы жасауға тырысуы керек еді. Осы жолы отандасымыз бәрін ескеріп, жылдамдығын арттырды, аяғына мән беріп жатыр. Аяқпен жұмыс істеу арқылы «Канелоны» бұрышқа тақап, шаршатып барып, нокдаун беретін сияқты. Екеуі 6-7 раундқа дейін тепе-тең келіп, 10-11 раундта немесе тіпті 9-раундта Геннадий «Канелоны» нокаутқа түсіруі мүмкін», - деді Артаев.

Сонымен бірге, Артаев «Ертеңгі кездесу Головкиннің соңғы жекпе-жегі болуы мүмкін бе?» деген сұраққа жауап берді.

«Өзінің және бауырларының сөзіне қарасақ, соңғы жекпе-жек болуы да мүмкін. Өйткені, сонша жыл спортта болу, сонша жыл бір қалыпта жүру - ағзаға үлкен ауыртпашылық.  Жылына 4-5 рет 85 келіден 72 келіге дейін салмақ тастау оңай емес. Ол да адам, оның да жеке өмірі бар. Ертеңгі кездесуде үлкен жетістікке жетсе, боксты қойса да жарасады. Шешімді әрине, өзі қабылдайды», - деді Бақтияр Артаев.

 

 


Басты сөздер: Спорт, Геннадий Головкин,
Бөлісіңіз:

Автор:

Айжан Серікжанқызы

Онлайн қызметкерлер
Редактор
Бакытжан Ербасов
Бакытжан Ербасов
954-059
Редактор
Ербол Жанат
Ербол Жанат
954-059
Редактор
Айдар Оспаналиев
Айдар Оспаналиев
954-059
Мұрағат