+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Головкин - Деревянченко айқасы «жылдың үздік жекпе-жегі» атанды

2020 жылғы 3 қаңтар 17:18
Бөлісіңіз:
Головкин - Деревянченко айқасы «жылдың үздік жекпе-жегі» атанды

НҰР-СҰЛТАН. ҚазАқпарат - 2019 жылдың 5 қазанында орта салмақтағы IBF және IBO титулдарын сарапқа салған Геннадий Головкин — Сергей Деревянченко айқасы BoxingScene нұсқасы бойынша жыл жекпе-жегі атанды, деп хабарлайды ҚазАқпарат Sports.kz сілтеме жасап.

IBF титулы үшін қазақстандық Геннадий Головкин мен украиналық боксшы Сергей Деревянченко арасында болған жекпе-жек 2018 жылы өтуі керек еді: украиналық боксшы - Халықаралық бокс федерациясының белбеуге міндетті қарсыласы, ал қазақстандық – белбеудің иесі болатын.

IBF белбеуін қорғау міндетін Головкин 2018 жылдың тамыз айында алуы керек еді, ал сол жылдың қыркүйек айында мексикалық Сауль «Канело» Альвареспен жұдырықтасуға тиіс-ті. Әуелде жекпе-жек мамырда өтеді деп жоспарланды, бірақ мексикалық боксшы допинг-тесттен өтпей қалып, жекпе-жек жарты жылға кейін шегерілді.

Сол себепті Головкин титулды қорғау міндетінен бас тартуға мәжбүр болып, белбеу иесіз қалды. 2018 жылдың қазанында Деревянченко белбеу үшін басқа міндетті қарсылас, америкалық Даниэль Джейкобсқа қарсы шығып, жеңіліп қалды. 2019 жылдың мамырында Джейкобс «Канело»-дан жеңіліп, белбеуді соған тапсырды.

Ашкөздік пен тәкәппарлық Альварестің түбіне жетті: ол IBF белбеуі үшін міндетті қарсылас Деревянченкомен келіссөзге көнбеді, кейін Халықаралық бокс федерациясы оған үзілді-кесілді талап қойды, ал Альварес титулдық жекпе-жек үшін украиналыққа тиімсіз қаржылық шарт ұсынды.

Өткен жылдың тамыз айының басында IBF Альваресті белбеуден айырып, титулды иесіз қалдырды. Бұл белбеуге міндетті екінші үміткер, оның бұрынғы иегері, қазақстандық Головкин болды, оның жекпе-жекке деген ұсыныстары Альварестің авансына қарағанда тиімдірек болып, 5-қазанда боксшылар рингте кездесті.

Жекпе-жек 12 раундқа созылды, біріншісінде Головкин украиналықты нокдаунға жіберді. Төрешілердің бірауыздан қабылдаған шешіміне келіспегендей, нокдаунға жіберді дегенге де украиналық қарсылық танытты. Украиналықтың тойтарыс беруі күткеннен де қызықты болды, көптеген сарапшылар бұл жекпе-жекті өткен жылдың боксындағы ең маңызды оқиға деп бағалады.

Көпшілік бұл жекпе-жекті жыл жекпе-жегі деп мойындауды күтті, солай болды да: беделді BoxingScene порталы оны жыл жекпе-жегі деп таныды.

«Бірінші раундтағы нокдауннан кейін Головкин оны мансабындағы ең қалжырататын жұдырықтасу күтіп тұрғанын білген жоқ. Табанды Деревянченко мен батыл Головкин 11 раунд бойы бір-бірін сұрапыл соққыларымен шаршатты, бокс жанкүйерлері бұл жұдырықтасуды ұмытпайды», - деп жазды БАҚ 5 қазандағы жекпе-жек туралы.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT