+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Голос. Дiти: Қазақстандық Данэлия Тулешова жеңімпаз атанды

2017 жылғы 18 желтоқсан 06:12
Бөлісіңіз:
Голос. Дiти: Қазақстандық Данэлия Тулешова жеңімпаз атанды

АСТАНА. ҚазАқпарат - 10 жастағы алматылық әнші Данэлия Тулешова Украинада өткен «Голос. Дiти» шоуында жеңіске жетті. Бұл туралы ҚазАқпаратқа жас әншінің баспасөз хатшысы Татьяна Синенко айтты.

Данэлия Тулешова Украинаның «Голос. Дiти» конкурсының финалына шыққан болатын. Әнші байқаудың финалында «Не твоя война» атты композицияны орындап, көпшілікті тәнті етіп, «Голос. Діти» шоуының төртінші маусымының жеңімпазы болды.

Баспасөз хатшысының сөзіне қарағанда, Данэлия финал мен суперфиналда жалпы 5 әуен орындаған.

Сондай-ақ ол «Елдің бала дауысы» атағын иеленді және оған Disneyland Paris-де саяхатауға жолдама берілді.



«Голос» - ол менің бала арманым. Адамдар менің әнімді тыңдаған кезде, көпшілігі маған хат жаза бастады. Сенім білдіргендеріңізге рахмет», - деп қуанышын бөлісті әнші.



Еске сала кетейік, Данэлия Тулешова бұған дейін ҚазАқпарат тілшісіне Украинада өткен «Голос. Дiти» шоуында қазыларды қалай таңқалдырғанын айтып, арнайы сұхбат берген болатын.

Жас әншінің Youtube арқылы тараған видеосын 1 млн-нан астам адам көріп үлгерген еді. Данэлия шетелдік өнер сахнасына бірінші рет шығып отырған жоқ. 2015 жылы «Аялаған Астана» халықаралық байқауында - жеңімпаз, «Жаңа толқын» байқауында көрермен көзайымы жүлдесін алған.


Біздің каналымызға жазылыңыз:

Басты сөздер: Мәдениет,
Бөлісіңіз:

Автор:

Гүлсая Жақан

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT