+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Ғизат Нұрдәулетов елдегі құқықтық реформалар туралы айтты

2021 жылғы 23 қыркүйек 12:16
Бөлісіңіз:
Ғизат Нұрдәулетов елдегі құқықтық реформалар туралы айтты

НҰР-СҰЛТАН. ҚазАқпарат – ҚР Бас прокуроры Ғизат Нұрдәулетов ТМД елдері бас прокурорларына елдегі құқықтық реформалар туралы мәлімет берді, деп хабарлайды ҚазАқпарат тілшісі.

«Қазақстан Республикасы Президентінің тапсырмасы бойынша құқық қорғау блогы мен сот жүйесін реформалауға бағытталған үлкен жұмыс жүріп жатыр. Прокуратура органдарының қызметін қайта жүктеп жатырмыз десе де болады. Мұндағы мақсаттардың бірі – салалардың бәрінде, ең бірінші қылмыстық процесттерде азаматтардың құқықтық кепілдігін күшейту. Бүгін біз әріптестерімізге тәжірибемізді алмасып, осы жұмыстың нәтижелері туралы айтып береміз», - деді ол ТМД-ға мүше мемлекеттер бас прокурорларының үйлестіру кеңесінің мәжілісінде.

Айта кетейік, бүгін елордада ТМД-ға мүше мемлекеттер бас прокурорларының үйлестіру кеңесінің жиыны өтіп жатыр.

Жиында ҚР Бас прокуроры биыл ТМД-ға мүше мемлекеттердің көбі ел тәуелсіздігінің 30 жылдығын тойлап жатқанын еске салды. «Биыл арамызда көптеген елдер Тәуелсіздіктің 30 жылдығын атап өтіп жатыр. Осы жылдар ішінде біз заңдылықты нығайту және қылмысқа қарсы күрес ісінде маңызды бағыттар бойынша байланысымызды ыдыратпай, жемісті ынтымақтастық орнаттық», - деп түйіндеді Ғизат Нұрдәулетов.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT