Германияда локдаун мерзімі ұзартылуы мүмкін

БЕРЛИН. ҚазАқпарат - Германияда коронавирус жұқтырғандар санының артуына байланысты жағдай біршама күрделене түсті. Бұл туралы ел канцлері Ангела Меркель мәлімдеді, деп хабарлайды ҚазАқпарат.

Пандемияның мұндай өршу кезеңінде шектеу шараларын жеңілдетуден сөзсіз бас тартылды. Меркель жеке аймақтардың басшыларымен телефон арқылы өткізілген кеңестің нәтижелері туралы журналистерге хабарлама жасады.

Германия канцлері соңғы жеті күн ішінде ел аумағында індетті жұқтырғандардың орташа деңгейі 100 мың тұрғынға шаққанда 100 адамнан асса, локдауннан шығу тоқтатылады деген келісімді еске салды. Бүгінгі таңда бұл көрсеткіш аталған шамаға өте жақын орналасқан.