Газбен жылыту тарифі 2021 жылдың үшінші тоқсанында белгіленеді - Қарағанды
Қарағанды облысында газдандыру жұмыстары белсенді жүргізілуде. Өткен жылы Жезқазғанда, Талап ауылында алғашқы іске қосу кешені аяқталды.
«27 мамырда «ҚазТрансГаз Аймақ» АҚ филиалы бастаған жұмыс тобы оқиға орнында болып, құжаттарды қарап, ескертулермен танысты. Теміртауда алғашқы іске қосу кешені де аяқталды, онда ескертулер жоқ, құжаттар да зерделенді. Қарағанды бойынша алғашқы іске қосу кешені әлі аяқталған жоқ – оны маусымның соңына дейін аяқтаймыз деп үміттенеміз, содан кейін жылдың үшінші тоқсанының қорытындысы бойынша Қарағанды облысы үшін тариф бекітілетін болады. «ҚазТрансГаз Аймақ» АҚ біздің өңір үшін бірыңғай тариф жасағысы келеді және ол Нұр-Сұлтаннан жоғары болмайды деп үміттенеміз, ал онда ҚҚС - мен 1 текше метр үшін 34,6 теңге есептеледі», - деді Ұлантай Үсенов.
Бұдан басқа, Қарағандыда Михайловка ауданына қарай кешендердің екінші іске қосылуы басталды, Теміртау мен Жезқазғанда да осы жылы газ құбырларын жүргізу бойынша жұмыстар жалғасады. Өңірде барлық тұтынушыларды газға қосу үшін техникалық мүмкіндіктер бар.
- Облыста көмір тұтынуды айтарлықтай қысқарту болмайды: жалпы облыс жылыту маусымында шамамен 13 миллион тонна көмір тұтынады. Өңірге газ жеткізуге келетін болсақ, іске қосу кешендері толық күшіне енген кезде, жалпы көлемі шамамен 1,4 миллиард текше метр газды құрайтын болады – халық үшін де, әлеуметтік мәдени-тұрмыстық және бизнес объектілері үшін де. Сондай-ақ, «АрселорМиттал Теміртау», «Қазақмыс» корпорациясы» ЖШС өнеркәсіптік кәсіпорындарын газға көшіру үшін техникалық мүмкіндіктер бар. Бұл есептеулерге облыстың қалалары мен аудандары – Қарағанды, Жезқазған, Теміртау, Қаражал, Жәйрем, Жаңаарқа, Шет, Абай, Бұқар жырау, Осакаров аудандары кіреді. Жобалық-сметалық құжаттама үш қала – Қарағанды, Теміртау және Жезқазған бойынша әзірленді. Осакаров, Жаңаарқа аудандарындағы кенттер, Шахтинск және оған жақын орналасқан елді мекендер үшін жобалар әзірленді», - деп түсіндірді энергетика және ТКШ басқармасының басшысы.
Қарағандыны газдандыру жобасында барлығы 16 іске қосу кешені бар. Газ тарату желілерінің жалпы ұзындығы 1,1 мың км құрауы тиіс, оларды салу құны 64 млрд теңгеге бағаланады. Барлық жұмыстарды аяқтаудың соңғы мерзімі 2026 жылға белгіленген.