+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Газбен жүретін көліктерді жабық автотұраққа қоюға тыйым салынды

2020 жылғы 14 ақпан 17:43
Бөлісіңіз:
Газбен жүретін көліктерді жабық автотұраққа қоюға тыйым салынды

НҰР-СҰЛТАН. ҚазАқпарат - ҚР Ішкі істер министрлігі Төтенше жағдайлар комитетінің төрағасы Владимир Беккер газбен жүретін көліктерді жабық автотұраққа қоюға неге тыйым салынғанын түсіндірді, деп хабарлайды ҚазАқпарат тілшісі.

Ұқсас жаңалықтар
Түркістан облысында экологиялық заңнаманы бұзғандарға 13 млн теңге айыппұл салынды Павлодар облысында 3,1 млрд теңге көлемінде пайдалы қазбалардың заңсыз өндірісі анықталды Атырауда браконьерлік дерегімен 1500 іс қозғалды

Оның айтуынша, 2019 жылдың желтоқсанында ҚР өрт қауіпсіздігі ережелеріне өзгертулер мен толықтырулар енгізген Үкімет қаулысы қабылданды, онда газбен жүретін көліктердің жабық паркингтерге кіруіне тыйым салынды.

«Мұндай қадамға неліктен барғанымызды түсіндірейін. ТЖ комитеті талдау жүргізіп, газбен жабдықталған автокөлік өртінің көбейгенін анықтады. Жыл сайын республика бойынша 2,5 мың автокөлікте өрт тұтанады. Соңғы үш жылда - 2016-2019 жылдары газбен жабдықталған көліктерде 374 өрт болып, 5 адам мерт болған. Бұл көрсеткіш жыл сайын артып келеді. Мәселен, 2016 жылы 74 өрт болса, 2017 жылы – 80, 2018 жылы – 114, ал 2019 жылы – 106 оқиға тіркелген», - деді комитет төрағасы Орталық коммуникациялар қызметінде өткен баспасөз мәслихатында.

Сонымен бірге, В. Беккер тұрғын үйлердің автотұрақтарындағы газдың иісі туралы шағым көбейгенін жеткізді.

«Бірнеше рет паркингтерге барып, бұл автокөліктердің газынан айтарлықтай қауіп барын, ТЖ, өрт немесе жарылыс болуы мүмкін екенін анықтадық. Тұрғын үйлердегі газ жарылу оқиғаларының қаншама рет куәсі болдық. Газ жарылысы өте қауіпті, әсіресе төменгі қабаттардағы жарылыс тұтас ғимараттың құлауына әкеліп соғады. Біз Қазақстандағы құрылыс нормаларын қарастырдық, онда ғимараттармен жапсарлас салынған автотұрақтарға газбен жүретін көлік қоюға тыйым салынған. Осыған байланысты өрт қауіпсіздігі ережелеріне өзгерістер енгізу жобасын жасадық», - деп атап өтті ол.

Аталған жоба Ұлттық кәсіпкерлер палатасына жіберілді.

2019 жылдың 13 желтоқсанында Үкімет қаулысы қабылданды және 1 қаңтардан бастап күшіне енді.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT