Гавайи штатында төтенше жағдай режимі енгізілді

НЬЮ-ЙОРК. ҚазАқпарат - Сәрсенбі күні АҚШ-тың Гавайи штатында нөсер жауын мен су тасқыны салдарынан төтенше жағдай режимі енгізілді. Бұл туралы ҚазАқпарат Гавайи штатының губернаторы Дэвид Айдждың Twitter-дегі микроблогына сілтеме жасап хабарлайды.

«Гавайи штатында төтенше жағдайын енгізу туралы құжатқа қол қойдым. Нөсер жауын мен су тасқыны салдарынан аралдардағы мемлекеттік мүлікке айтарлықтай шығын келтірілді», - делінген жарияланымда.

Бұл шара жергілікті билікке кейбір қосымша қорларға қол жеткізіп, табиғи апат салдарын жоюға көбірек ресурс жұмылдыруға көмектеседі.

Бұған дейін CNN телекомпаниясы жергілікті билік орындарының бірнеше округ тұрғындарына эвакуациялануды кеңес еткендігін хабарлаған болатын.

Аралдар зілзаланың алдағы күндері күтіліп отырған табиғи апаттың кезекті соққысына дайындалу үстінде.