Гандболдан әлем чемпионаты: Қазақстан Швецияға есе жіберді
Енді аталған топтағы үштікке іліккен құрамалар D тобындағы Нидерланды, Швеция және Пуэрто-Рикомен екінші топқа біріктірілді. Жарыс ережесі бойынша енді әрбірі бұрын кездеспеген қарсыласымен күш сынасады.
Бүгінгі кездесуді қазақстандық гандболшылар сәтті бастаған еді. Алғашқы минуттарда қарсылас қақпасына жиі гол соқты. Нәтижесінде 3:1 есебімен алда тұрды. Одан кейін швециялық спортшылар басымдық танытты.
Кездесуде қазақстандық гандболшылар қарсыласына 20:55 есебімен есе жіберді.
Қазақстандық гандболшылар енді 11 желтоқсанда Нидерландымен кездессе, 13 желтоқсанда Пуэрто-Рикомен шеберлік байқасады.
Еске салсақ, ұлттық құрама іріктеу сатысында С тобында сынға түсті. Қарсыластары - Норвегия, Румыния және Иран құрамалары. Норвегия мен Румынияға есе жіберіп, Иран құрамасын тізе бүктірді. Осылайша өз тобында үшінші орынмен жарыстың негізгі сатысына жолдама алды.