USD 434.34 EUR 491.93
RUB 5.56 CNY 68.67
Jańalyqtar

Гандболдан әлем чемпионаты: Қазақстан бүгін Швециямен кездеседі

2021 жылғы 9 желтоқсан 19:20
Бөлісіңіз:
Гандболдан әлем чемпионаты: Қазақстан бүгін Швециямен кездеседі

НҰР-СҰЛТАН. ҚазАқпарат - Бүгін гандболдан әлем чемпионаты негізгі сатысында Қазақстан қыздар құрамасы Швециямен кездеседі, деп хабарлайды ҚазАқпарат тілшісі.

Ұқсас жаңалықтар
Атлеттер мен бапкерлердің денсаулығын сақтау басты мақсатымыз – ҰОК бас хатшысы Қазақстандық олимпиадашылар Бейжіңге жетті Оксана Тен: Вице-президент лауазымын маған Болат Жәмішев ұсынды

Ойын елорда уақытымен 01:20-да басталып, Qazsport телеарнасынан тікелей эфирде көрсетіледі.

Швеция құрамасы бұдан бұрын 2020 жылы Токио Олимпиадасында төртінші орын алды. Әзірге әлем чемпионатындағы ең жоғары жетістігі ретінде 2017 жылы 4 орын алғанын айтуға болады.

Еске салсақ, ұлттық құрама іріктеу сатысында С тобында сынға түсті. Қарсыластары - Норвегия, Румыния және Иран құрамалары. Норвегия мен Румынияға есе жіберіп, Иран құрамасын тізе бүктірді. Осылайша өз тобында үшінші орынмен жарыстың негізгі сатысына жолдама алды.

Енді аталған топтағы үштікке іліккен құрамалар D тобындағы Нидерланды, Швеция және Пуэрто-Рикомен екінші топқа біріктірілді. Жарыс ережесі бойынша енді әрбірі бұрын кездеспеген қарсыласымен кездесу өткізеді.

Қазақстандық гандболшылар бүгін Швециядан өзге енді 11 желтоқсанда Нидерландымен кездессе, 13 желтоқсанда Пуэрто-Рикомен шеберлік байқасады.

Қазақстан құрамасы бұған дейін әлем чемпионатының финалдық сатысында 5 мәрте бақ сынады. 2007 жылы – 18, 2011 жылы – 19, 2009, 2015, 2019 жылдарда 22-орынды қанағат тұтты. Ал Олимпиада ойындарында 2008 жылы 10-орын алды.

Әлем чемпионаты 1-19 желтоқсан аралығында Испанияның Лирия, Кастельон, Гранольерс, Торревьеха қалаларында өткізіледі. Дүбірлі додада барлығы 32 құрама бақ сынайды.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059

MURAǴAT