Гамбургта Эбола індетіне қарсы вакцинаны сынау басталды

АСТАНА. ҚазАқпарат - Гамбург университетінің ауруханасында Эбола безгегі індетіне қарсы вакцинаны сынау жұмыстары қолға алынды. Университеттің жазбаша хабарламасында клиникалық зерттеудің бірінші кезеңі басталғаны туралы айтылған, деп жазады шетелдік БАҚ.

Дүниежүзілік денсаулық сақтау ұйымы ұсынған вакцина 30 ерікті адамға сыналады, деп хабарлайды Mignews.

Қоғамдық денсаулық сақтау бөлімінің сарапшысы Мартин Фриде БҰҰ-ның Женевадағы кеңсесінде өткен баспасөз мәслихатында журналистерге ағзаны дәрі тамызғыш, сондай-ақ суды жұту арқылы гидратациялау Эбола індетін емдеуге көмектесетінін мәлімдеді.