Ғалымжан Пірматов: Ұлттық банк сайлау алдында теңге бағамына әсер етіп отырған жоқ

АСТАНА. ҚазАқпарат – Ұлттық банк төрағасы Ғалымжан Пірматов Сенат кулуарында теңге бағамы сайлау қарсаңында қолдан реттеліп отырғаны туралы мәліметке пікір білдірді, деп хабарлайды ҚазАқпарат тілшісі.

«Біз валюта нарығындағы әрекеттеріміздің бәрін ашық жүргізіп келеміз. Алтын-валюта резервін интервенциялауды ғана емес, Ұлттық қордан валюта сату әрекеттерін де, Бірыңғай зейнетақы қоры бойынша да ашық мәлімет беріп отырмыз. Осы ашықтықты әрі қарай да жалғастырамыз. Сондықтан Ұлттық банк сайлаудың алдында теңге бағамына қандай да бір жолмен әсер етіп жатқаны туралы қауесеттер шындыққа жанаспайды», - деді Ұлттық банк басшысы.