+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Ғалымбек Кенжебаев: Елордаға 13 елдің ең мықты боксшылары келе жатыр

2019 жылғы 12 шілде 14:30
Бөлісіңіз:
Ғалымбек Кенжебаев: Елордаға 13 елдің ең мықты боксшылары келе жатыр

НҰР-СҰЛТАН. ҚазАқпарат - Бокстан 16-21 шілде аралығында Нұр-Сұлтанда өтетін Президент Кубогіне 13 мемлекеттің ең мықты былғары қолғап шеберлері қатысады.

Бұл туралы ҚазАқпарат тілшісіне бокстан Ұлттық құраманың бас бапкері Ғалымбек Кенжебаев айтып берді.

«Алда өткелі отырған Президент кубогы боксшыларымыз үшін маңызды жарыстардың бірі. Өйткені, әлем чемпионаты қарсаңында ұлттық құрама қатарына ілігетін боксшылар тап осы турнирде таңдалады. Бұл жарысқа әлемнің 13 мемлекетінен ең таңдаулы боксшылар келе жатыр. Алды келіп үлгерді. Біз олармен бірлесіп, соңғы оқу-жаттығу жиынымызды пысықтап жатырмыз», - деді бас бапкер.

Сондай-ақ, бас бапкер ұлттық құрама боксшыларының бұл додаға тас-түйін дайын екенін жеткізді.

«Биылғы Президент кубогі бұрынғыдан өзгеше болмақ. Бұл жолы бұрынғыдай он салмақ емес, сегіз салмақ дәрежесінде үздіктер анықталады. Жарысқа Азия чемпионатындағы құрам мен Спартакиада жеңімпаздары қатысады. Бүгінгі таңда боксшылар жарысқа тас-түйін дайын», деп атап өтті Ғалымбек Кенжебаев.

Естеріңізге сала кетейік, осыған дейін Президент кубогіне ерлер құрамасы мен әйелдер құрамасынан кімдер қатысатыны туралы жазған болатынбыз.

Біздің каналымызға жазылыңыз:

Басты сөздер: Нұр-Сұлтан, Спорт, Бокс,
Бөлісіңіз:

Автор:

Күнсұлтан Отарбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT