+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Ғаламшарлардың бірінен су табылды

2019 жылғы 12 қыркүйек 10:00
Бөлісіңіз:
Ғаламшарлардың бірінен су табылды

НҰР-СҰЛТАН. ҚазАқпарат - Алғаш рет астрономдар Күн жүйесінен тыс орналасқан экзопланетаны анықтап, оның атмосферасын зерттеді. Нәтижесінде бұл жаңа ғаламшардан су «бу күйінде» табылып отыр, деп хабарлайды CNN.

Ұқсас жаңалықтар
Ғарышқа саяхаттаған робот Федор Жерге оралды Робот Федор ғарышта қиын жағдайға тап болды NASA астронавтары ашық ғарышқа шықты

Экзопланетаның атауы - K2-18b, ол Жер ғаламшарынан 8 есе ауыр. Жер мен Нептун салмағының орта қосындысын құрайтын, супер жер немесе экзо ғаламшар деп аталады. Ең алғаш рет 2015 жылы NASA Kepler ғарыш аппаратының көмегімен анықталған. 2016 жылдан бері зерттеу жүргізген ғалымдар бұл ғаламшардың атмосферасынан су тапқан. Олар сондай-ақ судың сигнатурасы мен атмосферадағы гелийді бақылап, бұл екеуінің ғаламдағы ең көп тараған элемент екенін айтты.

Экзопланета атмосферасынан суды бу күйінде анықтау және бұл ғаламшардың жұлдыздарды айналуда тіршілікке қолайлы екендігін дәлелдеу арқылы ғалымдар сұйық судың да пайда болатынына кәміл сенімді. Яғни, аталған ғаламшарда тіршіліктің пайда болуы немесе адам өміріне қолайлы жағдай жасау әбден мүмкін.

Ғалымдардың зерттеуі Nature Astronomy журналында жарық көрді. «K2-18b екінші Жер ғаламшары емес, өйткені, оның массасы тым ауыр және атмосфера құрамы әр түрлі. Алайда, бұл бәрімізді толғандырған сұраққа жауап іздеуге түрткі болып отыр: Жер ғаламшары мінсіз бе? Зерттеу жалғаса береді» деді Лондон университеті жанындағы колледж, ғарыш Экзохимия орталығының ғылыми қызметкері Ангелос Циарас.

Бір қызығы, экзопланета өз жұлдызын әр 33 күн сайын айналады және Жердің Күнге қашықтығымен салыстырғанда, бұл ғаламшар өз жұлдызына әлдеқайда жақын орналасқан. Бірақ оның жұлдызы күнмен салыстырғанда, суық. Сондықтан Жердегі температура мен бұл экзопланетадағы ауа температурасы ұқсас. Ғалымдар алдағы онжылдықта ғылымда бұрын соңды болмаған жаңалық ашамыз деп отыр, себебі, экзоғаламшардағы адам өміріне арналған жағдай Жерден де қолайлы болуы мүмкін.


Біздің каналымызға жазылыңыз:

Басты сөздер: Ғарыш, Экология, Әлем,
Бөлісіңіз:

Автор:

Айкүміс Болатбек

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT