+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Ғаламды зерттеуге арналған обсерватория Байқоңырдан ұшырылады

2019 жылғы 10 шілде 02:47
Бөлісіңіз:
Ғаламды зерттеуге арналған обсерватория Байқоңырдан ұшырылады

БАЙҚОҢЫР. ҚазАқпарат - 9 шілдеде «Протон-М» зымырантасығышы «Спектр-РГ» ресейлік обсерваториясымен бірге Байқоңыр ғарыш айлағына жеткізіліп, орнатылды, деп хабарлайды ҚазАқпарат тілшісі Роскосмостың баспасөз қызметіне сілтеме жасап.

Айта кетейік, «Спектр-РГ» обсерваториясын ұшыру 21 маусымнан 12 шілдеге қалдырылған болатын. Өйткені, дайындықтың соңғы сатысында бір реттік химиялық ток көздерінің бірінің іске қосу циклограммасынан ақау табылған еді.

Ресейлік БАҚ мәліметінше, зымыранды ұшыруға дайындау кезінде циклограммадағы қателіктен ғарыш аппаратының қыздырғышы уақытынан бұрын қосылып, салдарынан химиялық ток көзі «отырып қалған». Ток көзі бір рет қана пайдалануға жарайтындықтан, оны алмастыру үшін зымыранды монтаждау-сынақ корпусына қайтаруға тура келді. Байқоңыр ғарыш айлағында мамандар обсерваторияның сапарын кейінге қалдыруға себеп болған барлық ақауды жойды. Одан бөлек, циклограмма да түзетілген.

«Протон-М» зымырантасығышы 12 шілде күні, жергілікті уақытпен сағат 17:31-де ұшырылады деп жоспарланып отыр.

«Спектр-Рентген-Гамма» («Спектр-РГ») обсерваториясы - Ресей мен Германия бірігіп іске асырып отырған халықаралық жоба. Оның мақсаты - ғаламды рентген диапазонында зерттеуге арналған орбиталық астрофизикалық обсерватория құру.



Автор: Сара Қабиқызы

Біздің каналымызға жазылыңыз:

Басты сөздер: Ғылым, Ғарыш, Байқоңыр, Ресей,
Бөлісіңіз:

Аударма:

Жанат Қапалбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT