12:06, 18 Ақпан 2019 | GMT +6
Фюзеляжы зақымданған Бек Эйр рейсі ұшпай қалды
АЛМАТЫ. ҚазАқпарат - Алматы әуежайынан Алматы-Астана бағытындағы Бек Эйр компаниясының рейсі ұшпай қалды, деп хабарлайды ҚазАқпарат тілшісі.
Бұл туралы Алматы халықаралық әуежайының Фейсбуктегі парақшасында жарияланды.
«18 ақпанда Бек Эйр компаниясының Алматы-Астана бағытындағы Z92100 рейсі шықпайтын болды. Жолаушыларды отырғызу және багажды тиеу кезінде Фоккер-100 ұшағының багаж есігі маңайы зақымданып қалды. Жолаушылар 1 сағаттан соң Астанаға басқа бортпен ұшып кетті. Аталған дерекке байланысты зерттеу жұмыстары басталды», - деді әуежайдан.
Фото Bek Air әуе компаниясынан алынды