Футзалдан Еуро-2023: Қазақстанның жастар құрамасы іріктеу турнирін жеңіліспен бастады

АСТАНА. ҚазАқпарат– Қазақстанның 19 жасқа дейінгі жастар құрамасы футзалдан 2023 жылғы Еуропа чемпионатының іріктеу турниріндегі алғашқы матчын өткізді, деп хабарлайды ҚазАқпарат Sports.kz-ке сілтеме жасап.

Алғашқы ойында қазақстандықтар польшалық қатарластарымен кездесіп, оларға 2:3 есебімен есе жіберді. Жеңімпаздар арасынан Шимон Личнерски (1-ші және 2-ші минутта) мен Оскар Дмохевич (29-шы минутта) мергендік танытса, Қазақстан құрамасы сапынан Дамир Қайырбай (16-шы минут) мен Александр Дерябин (33-ші минут) гол соқты.

23 наурызда жастар құрамасы Молдова құрамасымен ойнайды. Матч Астана уақытымен 22:00-де басталады. Содан кейін Қазақстан құрамасы 25 наурызда Словенияға қарсы ойнап, іріктеу турниріндегі қорытынды матчын өткізеді.