+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Футзалдан Чемпиондар лигасы: «Қайрат» чехиялық командамен тең түсті

2021 жылғы 27 қазан 23:07
Бөлісіңіз:
Футзалдан Чемпиондар лигасы: «Қайрат» чехиялық командамен тең түсті

НҰР-СҰЛТАН. ҚазАқпарат - Бүгін футзалдан UEFA Чемпиондар лигасы негізгі сатысында «Қайрат» алғашқы ойындарын өткізді, деп хабарлайды ҚазАқпарат тілшісі.

Бүгін қазақстандық клуб Чехияның «Пльзень» командасымен шеберлік байқасты.

Ойын барысында «Қайрат» футзалшылары алғашқы сәттен тізгінді қолына алуға тырысты. Десе де чехиялық команда оған бірден мүмкіндік бере қойған жоқ.

Уақыт өте келе қазақстандық команда шабуыл шебінде жиі бой көрсетті. Алдымен 17-минутта Дуглас Жуниор «Қайратты» алға шығарды. Одан кейін 22-минутта Альберт Ақбалықов есепті үстемелей түсті. Ал 23-минутта Михал Гола есеп айырмасын қысқартса, 26-минутта алматылық клубтан Диего Фаверо мергендігімен көзге түсті.

Бұдан кейін «Пльзень» сапынан Михал Сейдлер 28, Томаш Внук 37-минуттарда екі гол соғып кетті. Осылайша таразы басы теңесті.

Кездесу 3:3 есебімен тең аяқталды.

Айта кетейік, «Қайрат» төртінші топта сынға түседі. Қарсыластары - Чехияның «Пльзень», Ресейдің «Тюмень» және Италияның «Пезаро» командалары.

Сондай-ақ, бүгін «Атырау» Словенияның «Добовец» командасымен кездеседі. Ойын елорда уақытымен 00.00-де басталып, «Qazsport» телеарнасынан тікелей эфирде көрсетіледі.


Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT