Футболдан Ұлттық құрама сапында өзгерістер болды
«Ұлттық құраманың бапкерлік штабы команданың резервін тексеру мақсатында Бауыржан Исламхан, Ненад Эрич және Георгий Жуковқа демалыс беруге мүмкіндік жасады. Қазір олар құрама сапында жоқ», - делінген Қазақстан футбол федерациясының мәліметінде.
Құрама сапына резервтік тізімнен жартылай қорғаушы Юрий Перцух («Атырау») пен шабуылшы Оралхан Өміртаев («Шахтер») шақырылды. Сондай-ақ, еліміздің бас командасына Қызылорданың «Қайсарынан» қақпашы Марсель Исламқұлов келіп қосылды.
Айта кетелік, Ұлттар лигасының соңғы турында Қазақстан құрамасы сырт алаңда Грузиямен кездеседі. Аталмыш ойын Грузия астанасы - Тбилиси қаласында өтеді.
Естеріңізге сала кетсек, 15 қарашада Қазақстан құрамасы өз алаңында Латвиямен 1:1 есебімен тең түсті. Қазір еліміз турнир кестесінде 6 ұпаймен екінші орында тұр.