+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Футболдан Конференция лигасы: «Қайрат» «Базельге» жол берді

2021 жылғы 25 қараша 23:43
Бөлісіңіз:
Футболдан Конференция лигасы: «Қайрат» «Базельге» жол берді

НҰР-СҰЛТАН. ҚазАқпарат - 25 қарашада UEFA Конференция лигасы топтық сатысында қазақстандық «Қайрат» бесінші ойынын Швейцарияның «Базель» командасына қарсы өткізді, деп хабарлайды ҚазАқпарат тілшісі.

Ұқсас жаңалықтар
Футболдан Қазақстан кубогы: Финал елордада өтеді Футболдан Қазақстан кубогы: «Шахтер» финалға берілген екінші жолдамаға ие болды Сербиялық маман «Астана» футбол клубының бас бапкері атанды

Еурокубок ойындарын алматылық клуб сәтсіз өткізіп келеді. Қазірге дейін «Қайрат» өз тобында 1 ұпаймен соңғы орында тұр. «Базель» 8 ұпаймен екінші орынға жайғасқан еді.

Бірінші кезеңнің 23-минутта алматылық клубтан Вагнер Лав есеп ашты. Ал 45-минутта «Базель» ойыншысы Артур Кабрал пенальтиден таразы басын теңестірді.

Екінші кезеңнің 56-минутта Камо Оганесян қайтадан «Қайратты» алға шығарды. Өкіншке орай, одан кейін швейцариялық клубтан Эдон Жегрова 69, Пайтим Касами 72-минуттарда көздеген нысанадан мүлт кеткен жоқ.

Осылайша «Қайрат» қарсыласынан 2:3 есебімен жол берді.

Айта кетсек, бүгін бразилиялық шабуылшы Вагнер Лав «Қайрат» құрамындағы соңғы ойынын өткізді. Ол былтыр жаздан бері алматылық клуб намысын қорғаған болатын.

Екі команда арасындағы алғашқы ойында «Базель» 4:2 есебімен басым түсті.

Айта кетсек, «Қайрат» H тобында сынға түседі. Қарсыластары - Швейцарияның «Базель», Әзербайжанның «Карабах» және Кипрдің «Омония» командалары.

«Қайрат» енді алтыншы тур ойынын 9 желтоқсанда Кипрде «Омония» командасына қарсы өткізеді.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT