Футболдан Қазақстан кубогының екінші сатысына шыққан командалар анықталды

АСТАНА. ҚазАқпарат - Футболдан 2023 жылғы Қазақстан кубогының екінші сатысына жолдама алған командалар толықтай белгілі болды, деп хабарлайды ҚазАқпарат тілшісі.

Жарыстың аталған сатысына берілген соңғы екі жолдамаға Шымкенттің «Оңтүстік академиясы» және Түркістанның «Тұран» командалары қол жеткізді.

Еске салсақ, бұдан бұрын Қазақстан кубогының екінші сатысына Оралдың «Ақжайық» және Семейдің «Елімай» командалары ие болды.

Енді 30 наурызда «Ақжайық» пен «Оңтүстік академиясы», 31 наурызда «Тұран» мен «Елімай» командалары кездеседі.

Жеңімпаз атанған екі команда жарыстың негізгі кезеңінде Премьер-лигада ойнайтын 14 команда қатарына қосылады.

Қазақстан кубогының 1/8 финалынан бастап қатысушылар өзара екі ойын өткізеді.