Футболдан Қазақстан кубогы ойындарының кестесі жарияланды
Алғашқы тур ойындары 8, 9, 10 шілде күндері өткізіледі. Ал екінші тур 15, 16, 17 шілдеге белгіленген.
Сондай-ақ командалар үшінші тур ойындарын 22, 23, 24, төртінші турды 29, 30, 31 шілде күндері өткізсе, бесінші тур 5, 6, 7 тамызға есептелген.
Алтыншы тур 13, 14, 15 тамызда ойналады.
Жеребе нәтижесі бойынша 16 команда төрт топқа бөлінген. Олардың 14-і Премьер-лигада сынға түсетін клубтар болса, жарыстың үш сатысында жеңімпаз атанған «Қайсар» мен «Жетісу» олардың қатарына қосылды.
Командалардың топтарға бөлінуі төмендегіше:
А тобы: «Ақсу», «Атырау», «Қайрат», «Ордабасы»;
В тобы: «Қайсар», «Ақжайық», «Каспий», «Қызылжар»;
С тобы: «Ақтөбе», «Мақтаарал», «Тараз», «Тобыл»;
D тобы: «Шахтер», «Тұран», «Жетісу», «Астана».
Еске салсақ, бұдан бұрын футболдан Конференция лигасының жеңімпазы анықталды.