+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Футболдан Қазақстан кубогы: «Қайрат» қатарынан екінші мәрте жеңілді

2021 жылғы 24 шілде 23:36
Бөлісіңіз:
Футболдан Қазақстан кубогы: «Қайрат» қатарынан екінші мәрте жеңілді

НҰР-СҰЛТАН. ҚазАқпарат - Бүгін футболдан Қазақстан кубогы топтық кезеңінің үшінші турының алғашқы ойын күні аяқталды, деп хабарлайды ҚазАқпарат тілшісі.

Ұқсас жаңалықтар
UEFA Конференция лигасы: «Қайрат» алғашқы ойынында «Омонияны» қабылдайды Чемпиондар лигасы: «Реал Мадрид» клубы турнирді жеңіспен бастады Футзалдан әлем чемпионаты: Қазақстан құрамасы Литвадан басым түсті

Алғашқы ойын күнінде бірінші кездесу Петропавлда жергілікті «Қызылжар» мен Шымкенттің «Ордабасы» клубтары арасында өтті. Алдымен шымкенттік Сұлтанбек Астанов 17-минутта есеп ашса, оған петропавлдық Дарко Зорич 43-минутта бір голмен жауап қайырды. Кездесуде 1:1 есебі тіркелді.

Алматының «Қайраты» кубок ойындарын сүреңсіз өткізіп келеді. Олар бүгінгі ойында өз алаңында Түркістанның «Тұранына» 0:1 есебімен жол берді. Жалғыз гол 68-минутта Чисом Нкобидің еншісіне жазылды. Айта кетейік, бұдан бұрын алматылық клуб Ақтаудың «Каспийіне» 0:2 есебімен жеңіліп қалған еді.

Ал «Тараз» сырт алаңда «Атырауды» 2:1 есебімен тізе бүктірді. Алаң иелерінен 30-минутта Жиан Мартинс есеп ашты. Одан тараздық футболшылар қатарынан Дінмұхамед Қараман 43, Бауыржан Байтана 59-минуттарда қос гол соғып кетті.

Қызылорданың «Қайсары» сырт алаңда «Ақтөбені» 2:1 есебімен жеңді. Алдымен қызылордалық клубтан Егор Потапов 69, Стефан Денкович 84-минуттарда гол соқса, 95-минутта ақтөбелік Юрий Логвиненко есеп айырмасын қысқартты.

Енді 25 шілдеде «Шахтер» (Қарағанды) мен БЖМОРСМ (Нұр-Сұлтан), «Атырау» мен «Тараз», «Каспий» (Ақтау) мен «Жетісу» (Талдықорған), «Астана» (Нұр-Сұлтан) мен «Ақжайық» (Орал) кездессе, «Тобыл» (Қостанай) мен «Мақтарал» (Түркістан облысы) үшінші турды түйіндейді.



Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT