Футболдан Қазақстан кубогы: Финал елордада өтеді

НҰР-СҰЛТАН. ҚазАқпарат - Футболдан Қазақстан кубогының финалы 28 қарашада елордада өтеді, деп хабарлайды қазАқпаарт тілшісі.

Финалда Алматының «Қайрат» мен Қаарғандының «Шахтері» кездеседі.

Жартылай финалда «Қайрат» «Астананы» , «Шахтер» «Тобылды» орта жолда қалдырып кетті.

Айта кетсек, Қазақстан кубогы 1992 жылдан бері тұрақты түрде өткізіліп келеді. Бүгінге дейін «Қайрат» 9 мәрте кубокты төбесіне көтерді. Ал «Шахтер» 2013 жылы бір мәрте жеңімпаз тұғырынан көрінді.

Еске сала кетейік, бұдан бұрын «Астана» футбол командасына жаңа бас бапкер тағайындалған болатын.

Бұл қызметке сербиялық маман Срджан Благоевич келді.

Сербиялық маман елордалық клубпен екі жылға келісімшартқа қол қойды. Ол бұған дейін екі жыл қатарынан Ақтаудың «Каспий» командасына жетекшілік жасады.