+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Футболдан Қазақстан чемпионатының үшінші тур ойындары басталды

2019 жылғы 30 наурыз 22:35
Бөлісіңіз:
Футболдан Қазақстан чемпионатының үшінші тур ойындары басталды

НҰР-СҰЛТАН. ҚазАқпарат - Бүгін футболдан Премьер-лига командалары арасындағы Қазақстан чемпионатының үшінші тур ойындары басталды. Еліміздің үш қаласында қазақстандық клубтар өзара шеберлік байқасты, деп хабарлайды ҚазАқпарат тілшісі.

Үшінші турдың алғашқы ойыны Павлодар қаласында өтті. Жергілікті «Ертіс» Қызылорданың «Қайсарын» қабылдады. Бүгінгі кездесуде екі команда да тең деңгейде ойын көрсетті. Кездесу тағдырын 91-минутта «Қайсардың» жартылай қорғаушысы Мақсат Байжанов соққан жалғыз гол шешіп, қызылордалық клуб биылғы доп додасындағы алғашқы жеңісіне қол жеткізді.

Биыл Премьер-лигаға қайта оралған «Тараз» командасы да алғашқы екі турдағы сәтсіздіктен кейін жеңіске жетті. Бұл жолы олар өз алаңында «Атырау» командасынан 2:0 есебімен басым түсті. Тараздықтар қатарынан Элгуджа Лобжанидже 71, Серж Ньюадзи 78-минутта қарсылас команда қақпасынан саңылау тапты.

Елорданың «Астана» клубы қатарынан үшінші мәрте жеңіске жетті. Елордалық футболшылар сапынан 26-минутта Марин Аничич есеп ашса, 58-минутта оның әріптесі Дорин Ротариу есепті ұлғайтты. Ойында «Астана» 2:0 есебімен жеңіске жетіп, турнир кестесінде жеке-дара көш басына шықты.

Үшінші турдың қалған ойындары 31 наурызда ойналады. Бұл күні «Ақтөбе» мен «Қайрат», «Шахтер» мен «Тобыл», «Оқжетпес» пен «Ордабасы» командалары кездеседі.

Ал төртінші тур ойындары 6 және 7 сәуір күндері болады. 6 сәуірде «Тобыл» мен «Ақтөбе», «Ордабасы» мен «Жетісу», «Қайсар» мен «Астана», «Қайрат» пен «Оқжетпес», «Ертіс» пен «Тараз» командалары кездессе, 7 сәуірде «Атырау» мен «Шахтер» клубтары шеберлік байқасады.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT