+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Футболдан Қазақстан чемпионаты: «Ақжайықты» жеңген «Астана» көш басына көтерілді

2021 жылғы 11 қыркүйек 19:57
Бөлісіңіз:
Футболдан Қазақстан чемпионаты: «Ақжайықты» жеңген «Астана» көш басына көтерілді

ОРАЛ. ҚазАқпарат – Футболдан Қазақстан чемпионатының 20-турында Оралдың «Ақжайығы» өз алаңында «Астана» клубын қабылдады, деп хабарлайды ҚазАқпарат тілшісі.

Ұқсас жаңалықтар
Әйелдер колониясында негізінен есірткі қылмысы және адам өлтіргені үшін отыр – жедел уәкіл Америкалық отбасы асырап алған қазақстандық жігіт туыстарын іздестіруде Аламан марафон: 15 желаяқ Нұр-Сұлтаннан Оралға жолға шықты

Екі айдан астам уақытқа созылған үзілістен кейін қайта жалғасқан біріншілікте елордалықтар 41 ұпаймен «Тобылдан» кейін екінші орында келе жатса, алаң иелері бесінші сатыда еді.

Чемпиондық атақ үшін таласып жүрген «Астана» командасы 10-минутта есеп ашты. Белорусьтық Макс Эбонгтан пас алған ресейлік Валерий Чуперка «Ақжайықтың» қақпасын қорғаған украиналық Сергей Литовченкодан айласын асырып кетті.

Бұдан кейін қос команданың гол соғатындай мүмкіндіктері болды. Кейбір сәтте С.Литовченко өз қақпасын аман алып қалды. Елордалықтар да сәтті қорғана білді.

Осылайша 1:0 есебімен жеңіске жеткен ресейлік маман Андрей Тихоновтың шәкірттері 44 ұпаймен көш басына көтерілді. Дегенмен 42 ұпайы бар қостанайлық «Тобыл» бұл турдағы ойынын ертең өз алаңында Ақтаудың «Каспийімен» өткізеді.

Ел біріншілігінің 21-турында «Ақжайық» 18 қыркүйекте Талдықорғанда көш соңындағы «Жетісу» командасымен кездеседі. Ал елордалықтар «Ақтөбені» қабылдайды.

Еске сала кетейік, бұдан бұрын «Ақжайықтың» «Ақтөбеге» есе жібергенін жазған болатынбыз.

Сондай-ақ бүгін «Қызылжар» «Қайсардан» басым түсті.

Суреттер – Айбатыр НҰРАШ


Біздің каналымызға жазылыңыз:

Бөлісіңіз:

Автор:

Елжан Ералы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT