Футболдан Еуропа чемпионаты: Украина алғашқы жеңісіне қол жеткізді

None
None
НҰР-СҰЛТАН. ҚазАқпарат - Футболдан Еуропа чемпионатының финал сатысындағы топтық кезеңі екінші турында Украина мен Солтүстік Македония құрамалары кездесті, деп хабарлайды ҚазАқпарат тілшісі.

Еске салсақ, аталған екі құрама С тобында сынға түседі. Қарсыластары – Нидерланды және Австрия.

Алғашқы турда Украина Нидерландыдан 2:3 есебімен жеңілсе, Солтүстік Македония Австрияға 1:3 есебімен есе жіберді.

Екі құрама бұған дейін төрт мәрте кездескен. Оның үшеуінде украиндар жеңіске жетіп, біреуінде македондар басым түссе, біреуінде тең нәтиже тіркелді.

Бүгінгі кездесуде екеуінің үш ұпайды олжалауға мүмкіндігі зор болды. Десе де, украиндар жеңіске жетуге жақын тұрды.

Олардың қатарынан Андрей Ярмоленко 29, Роман Яремчук 34-минуттарда мергендік танытса, қарсыластарынан Эзган Алиоски 57-минутта есеп айырмасын қысқартты.

Бұдан кейін таблодағы есепке өзгеріс енген жоқ.

Енді С тобында бүгін тағы бір ойында Нидерланды мен Австрия кездеседі. Ол елорда уақытымен 00.45-те «Qazsport» телеарнасынан тікелей эфирде көрсетіледі.


Соңғы жаңалықтар